Қорғаныс министрінің бұйрығымен Қазақстан Республикасы қарулы күштері бас штабы бастығының орынбасары тағайындалды, деп хабарлайды Stan.kz ақпарат агенттігі.
Бұл қызметке Асан Қуанышбекұлы Жүсіпов тағайындалған. Ол 2022 жылғы 7 сәуірде «Шығыс» өңірлік қолбасшылығы әскерлерінің қолбасшысы қызметінен босатылған.
Ашық ақпарат көздеріне сүйенсек, Асан Жүсіпов Қарағанды Әскери мектеп-интернатының (ӘСШ) 1991 жылғы түлегі.
Кеңес Одағының Маршалы И.С.Конев атындағы Алматы жоғары құрама қару-жарақ командалық училищесін 1995 жылы бітірген.
2003 жылы Қазақстан Республикасы Қорғаныс министрлігінің әскери академиясын бітірген.
2015 жылы Ұлттық қорғаныс университетінің бас штабының академиясын бітірген. Мотоатқыштар взводының, ротаның, батальонның командирі, мотоатқыштар бригадасының штаб бастығы, танк бригадасының командирі қызметтерін атқарған.
2016-2019 жылдары — «Оңтүстік» өңірлік қолбасшылығы штабының бастығы болған.
https://stan.kz/kr-karuli-kushteri-bas-shtabi-bastiginin-orinbasari-tag-363215/
