Қарағанды облысында жоғалып кеткен 29 жастағы Александр Лисюковтың мәйіті Саран тас жолынан табылды, деп хабарлайды Stan.kz ақпарат агенттігі Қарағанды облыстық полиция департаментінің баспасөз қызметіне сілтеме жасап хабарлайды.
Еріктілер Александр Лисюковтың жоғалып кеткені туралы ақпарат таратқан. 1 сәуір күні ер адам автобуспен Қарағандыдан Ақтас елдімекеніне аттанған. Осыдан кейін оны ешкім көрмеді.
Еріктілер мен полицейлер жоғалған адамды іздестірді. Жиырма күннен кейін Саран тас жолы маңындағы даладан жас жігіттің денесі табылды.
«21 сәуірде Саран тас жолы ауданында ер адамның мәйіті табылғаны туралы хабарлама түсті. Оқиға орнына келген жедел-тергеу тобы фактіні растады. Мәйіттен көзге көрінетін жарақаттар табылған жоқ. Оны ауылдардың бірінің 18 жастағы тұрғыны тауып алды», — деп хабарлады Қарағанды облыстық полиция департаментінің баспасөз қызметі.
Туыстары марқұмның жеке басын танып үлгерді. Қазіргі уақытта сараптамалар тағайындалды, оның қорытындысы бойынша процессуалдық шешім қабылданады.
https://stan.kz/karagandi-oblisinda-20-kun-byrin-zhogalip-ketken-zhas-z-363404/
