Қазақстан Республикасы Президентінің 2022 жылғы 3 наурыздағы «Әкімдердің халықпен кездесулерін өткізу туралы» №826 Жарлығына сәйкес Бостандық, С.Шәкіров, Аққұм, Ойық, Кеңес ауылдық округтерінде халықпен кездесулер өткізілді.
Кездесулерге 230-дан астам адам қатысты. 18 тұрғын өздерінің ұсыныстарын айтты.
Олардың бірқатарына сол жерде жауап берілді.
Бөлтірік шешен ауылында мал өлексесін тастайтын биотермиялық шұңқыр салу, Ойық ауылында су тоғандарын ретке келтіру, Бостандықта ауыл маңындағы ортақ жайылымдық жерлерді кеңейту, Шәкіров ауылынан аудан орталығына қатынайтын автобус шығару, Аққұмда мал ұрлығының алдын алу жөніндегі сұрақтар көтерілді.
Алдағы уақытта кестеге сәйкес кездесулер басқа ауылдарда жалғасын табады.
