Эндокриндік хирургия – ішкі секреция бездерінің патологиясын қарастыратын хирургияның бір саласы. Ол түйінді және диффузды зоб, бүйрек үсті бездерінің, қалқанша маңы безінің ауруларын, созылмалы аутоиммунды тиреоидит, ұйқы безінің ауруларын, өсу, жыныстық даму, май алмасуының бұзылуын емдеу және т.б.қамтиды.
Эндокриндік аурулардың ерекшелігі: олардың жоғары таралуы, сонымен қатар төмен анықталуы. Мысалы, қалқанша безінің түйіндері әрбір төртінші ересек адамда кездеседі, бірақ пациенттердің 5%-дан астамы ғана аурудың алдын-алып емделеді. Сонымен қатар, қатерлі дегенерацияға ұшырайтын қалқанша безінің түйіндерінің үлесі біртіндеп артып келеді.
Тараз қаласына Оңтүстік Кореядан арнайы іс-сапармен келген профессор Чанг Хэнг Сеок облыстың бейінді мамандары үшін қалқанша безінің бірқатар ауруларын оперативті емдеу бойынша шеберлік сыныптарын, семинарлар, пациенттердің консультациялық қабылдауларын тегін өткізген болатын.
3 күндік тәжірибе алмасу кезінде Оңтүстік Корея дәрігері жаңа технологияның арқасында эндокриндік аурулары асқынған науқастарға 20 ота жасаған еді. Барлық хирургиялық араласулар сәтті өтті, бүгінгі күні барлық пациенттер сауығып, отбасыларына оралды.
«Профессор Чанг Хенг Сеоктың қалқанша безіне операция жасауда мол тәжірибесі бар. Шеберлік сыныптарының барысында ол бізге өзінің техникасын көрсетті. Оның әдісінің ерекшелігі — қан жоғалту мен жарақаттанудың аздығы. Мұндай операциялардан кейін тігістер тез жазылады, сондықтан пациенттер аз уақытта қалпына келеді, – дейді хирургия бөлімінің меңгерушісі Ғабиден Рахымжан.
Сонымен қатар, профессор Чанг Хэнг Сеок эндокриндік хирургияның өзекті мәселелері бойынша бейінді мамандарға арналған семинар өткізді, қалқанша без ауруларын жедел емдеу саласында тәжірибе алмасты. Облыстық денсаулық сақтау басқармасы біздің дәрігерлер әлемдік деңгейдегі мамандардың тәжірибесі мен білімін алуға мүдделі екенін атап өтті.
Бейінді мамандар алған теориялық және практикалық дағдылар қалқанша без аурулары кезінде жедел араласу көлемін және халықтың көмектің жоғары технологиялық түрлеріне қол жеткізуін кеңейтуге мүмкіндік беретінін атап өтті.
Сапарының соңында профессор Чанг Хэнг Сеок өзіне көрсетілген сенім үшін алғысын білдіріп, өз тәжірибесін жамбылдық әріптестеріне одан әрі жалғастыруға дайындығын білдіріп, өз жеріне оралды.
