Жамбыл ауданның әкімі Ерлан Қыдыралыұлының төрағалығымен өткен мәжілістің күн тәртібінде көктемгі санитарлық-тазалық, абаттандыру жұмыстарының өту барысы жан-жақты талқыланды.
Негізгі мәселе бойынша аудан әкімдігі тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Қуаныш Қарашолақов баяндама жасады.
Хабарламашының айтуынша, көктемгі екі айлық санитарлық-тазалық жұмыстарын тиісті деңгейде ұйымдастыру мақсатында аудан әкімінің ағымдағы жылдың ақпан айының 28 күні №101 қаулысы рәсімделіп, штаб мүшелері бекітіліп, іс-шаралар жоспары әзірленген. Наурыз-сәуір айлары тазалықтың екі айы болып бекітіліп, аудан тұрғындарын қоршаған ортаның тазалығын сақтауға шақыру мақсатында жергілікті ақпарат құралдарында хабарлама жарияланды. Бүгінгі күнге дейін аудандық мекемелер мен ауылдық округтерте 5 мәрте санитарлық-тазалық жұмыстары ұйымдастырылған. Оған 4405 азамат, 102 техника қатысып, 101 тонна қоқыс шығарылып, 4000 түб туя, терек, қара тал, жеміс талдары отырғызылды.
Атап айтар болсақ, Аса ауылдық округінде 180, Ақбастауда 40, Ақбұлымда 25, Айшабибіде 15, Бесағашта 650, Гродековода 30, Ерназарда 350, Жамбылда 1000, Көлқайнарда 464, Қаройда 80, Қаратөбеде 20, Қаракемерде 70, Қызылқайнарда 150, Өрнекте 216, Қарасуда 260, Полатқосшыда 250, Тоғызтарауда 200 түп түрлі ағаштар егілген.
Дегенмен Қуаныш Сембекұлы ауылдарда, жол бойында тұрмыстық қоқыстар бар екенін нақты дәлелдермен ұсынды.
