Тараз қаласындағы №11 орта мектепте «Біз есірткіге қарсымыз» тақырыбында дәріс ұйымдастырылды. Іс- шараның ұйымдастырушылары —Жамбыл облысының Полиция департаменті Есірткі қылмысына қарсы іс-қимыл басқармасы, Тараз қаласының әкімдігі ішкі саясат бөлімінің «Жастар ресурстық орталығы» коммуналдық мемлекеттік мекемесі болды.
Сонымен қатар оқушылар арасында нашақорлықтың зияны туралы сауалнама жүргізілді. Іс-шара барысында Жамбыл облысының ПД Кинологиялық қызметінің көрнекі көрсетілімдері оқушылар назарына ұсынылды.
⁃ Жамбылдық полицейлер барлықтарыңызды еліміздің азаматтары мен болашақ ұрпақтың денсаулығына қауіп төндіретін есірткінің таралуынан туындайтын жалпы мәселелерден тыс қалмауға шақырады, — деп өтті Жамбыл облысы Полиция департаментінің Есірткі қылмысына қарсы іс-қимыл басқармасының бастығы полиция полковнигі Асқар Жұмабеков.
