Чернобыль АЭС-тағы апат – адамзат тарихындағы ең ірі техногендік апаттардың бірі. 31730 қазақстандық жауынгер-залалсыздандырушы өздеріне жүктелген әскери міндеттерді ерлікпен атқарды. Соның ішінде сарысулық азаматтар да әскери міндетімен қоса, адам өмірін сақтап қалу үшін жан аямай еңбек етті.
Бүгін Сарысу аудандық Даңқ аллеясында Чернобыль оқиғасынан зардап шеккен азаматтарды еске алып, гүл шоқтарын қойды. Аталған шараға аудан әкімінің орынбасары, Н.Тоқбергенұлы, Чернобыль апатына қатысқан ардагерлер мен қала тұрғындары қатысты.
Шарадан кейін аудан әкімі Марат Қырғызәліұлы өмірі мен денсаулықтарын қатерге тігіп, халықты радиациялық өлімнен құтқаруға атсалысқан сарысулық азаматтарды арнайы қабылдап, сый-сияпат жасап, алғыс хаттар табыстады.Сарысу ауданы әкімдігінің баспасөз қызметі
