Биыл Чернобыль атом электр стансасындағы апаттың орын алғанына 36 жыл толып отыр. Осыған орай, бүгін аудан әкімдігінің мәжіліс залында апаттың зардабын жоюға үлес қосқан аудан азаматтарымен кездесіп, еркін пікір алмастық.
Шу ауданы бойынша 59 азамат өз үлестерін қосқан. Қазіргі кезде аталған санаттағы азаматтар ауданның өркендеп дамуы жолында әр сала бойынша қызмет етіп, өз үлестерін қосып жүр. Сол себепті ержүрек азаматтарды қабылдап, Алғыс хат табыс еттім.
Осынау жантүршігерлік оқиға жыл өткен сайын тарихтан алыстап бара жатқанын, оған қатысушылардың да саны сиреп бара жатқанын ескерсек, тиісті қамқорлықтың көрсетілуі қажет деп ойламын. Сондықтан да бүгінгі кездесу барысында бірқатар азаматтардың өтініш-тілектеріне құлақ түріп, олардың шешілуіне атсалысатынымды жеткіздім.
Сәкен Арубаев,Шу ауданының әкімі
