Ағза трансплантациясы  туралы

Ағзаны трансплантациялау – бұл бір адамнан (донордан) алынған сау мүшені ағзасы жұмыс істемейтін басқа адамға (реципиентке) ауыстырып салу.
Трансплантация — бұл бір адамнан екінші адамға берілетін өмір сыйы, ол — көбінесе өмірді сақтап қалудың жалғыз мүмкіндігі.
Ағзаны трансплантациялау кез келген адамға, ересектерге, тіпті жас балаға да қажет болуы мүмкін.
Бірқатар ауру түрлері адам ағзасының жұмысын тоқтатып, оны трансплантациялау қажеттілігіне әкелуі мүмкін.
Қазіргі медицинада көптеген мүшелерді немесе тіндерді трансплантациялауға болады. Трансплантациялау операцияларының жартысына жуығы — бүйрек трансплантациясы.
Науқаста бүйрек жеткіліксіздігінің  күрделі жағдайы болса, онда бүйрек трансплантациясы жасалады. Көптеген факторлар бүйрек жеткіліксіздігіне әкелуі мүмкін: ауруды қоздыратын туа біткен ауытқулар; уролития, созылмалы бүйрек ауруы, бүйрек қызметі бұзылған қант диабеті, генетикалық ауру (поликистоз).
Бұл аурулардың салдары ауыр түрдегі созылмалы бүйрек жеткіліксіздігіне әкелуі мүмкін.
Трансплантацияға дайындық — операцияның сәтті шығуы үшін  өте маңызды сәт болып табылады. Бұл кезең қолайлы органды таңдаудың нақты көрсеткіштерін анықтау үшін мұқият тексеруді қажет етеді. Трансплантацияны таңдау критерийлері айқын болуы керек.
Егер туыстар донор бола алмаса немесе сәйкес үйлесімділік болмаса, адамның болашақ өмірге  басқа да мүмкіндігі бар , ол — қайтыс болған донордан трансплантациялау арқылы мүше алу.
Әлемдегі барлық діндер донорлық ағзаларды тегін тапсыруға және трансплантациялауға қарсы емес, оның ішінде біздің еліміз – Қазақстан да бар.
Бұл — адам миы өз қызметін қайтымсыз тоқтатқанда, жүрек қызметі мен тыныс алу құрылғылардың көмегімен жасанды түрде қолдау көрсетілетін  ми өлімі басталған жағдайда мүмкін болады. Мидың өлімі бірнеше медициналық мамандардың қатысуымен кешенді сынақтардан кейін ғана анықталады.
Тек бүкіл қоғамның қолдауы ғана ағзаны ауыстырып салуды қажет ететіндердің аман қалуына көмектесе алады. Сондықтан,  тірі кезінде қайтыс болғаннан кейін трансплантация үшін ағза мүшесін  беруге келіскен адамдар өте маңызды.
Осылайша, ауыр бүйрек жеткіліксіздігімен ауыратын науқастың өмірін ұзартудың бірден-бір жолы — донорлық органдарды трансплантациялау.