Қызылорда облысында каналға абайсызда құлаған бес жасар бала қайтыс болды деп хабарлады turkystan.kz.
Оқиға 4 мамыр сағат 22.15 шамасында Қазалы ауданының орталығы Әйтеке би кентінде болған. Үлкендердің қарауынсыз қалған 2017 жылғы бала «Ақарық» каналына абайсызда құлап кеткен. Ол оқиға орнында көз жұмды.
ttps://turkystan.kz/article/179897-kyzylordada-5-zhasar-bala-kanalga-kulap-ketti/
«Бұл жөнінде Төтенше жағдайлар департаментіне ақпарат келіп түсті. Мәйіт жергілікті тұрғындар күшімен судан шығарылды. Каналдың ені – 3, тереңдігі – 1 метр. Оған департаменттен бір қызметкер қатысты» деп мәлім етті облыстық Төтенше жағдайлар департаментінен.
