Атырау облыстық полиция департаментінің хабарлауынша, жеткіншек 102 нөміріне алғаш наурыздың 28-і күні хабарласқан. Ол кезде жалған хабар берушіні тәртіп сақшылары анықтай алмапты.

26 сәуір күні полицияға қайта хабарласқан жігіт мектеп ауласында төбелес шыққанын жеткізген. Тағы үш күннен кейін балалар алаңына жақын маңда әлдекімдердің автокөліктерге тас лақтырғанын, ал 30 сәуір күні оқушы қолдарына бөтелке мен электрошокер ұстап төбелескен балалар жайлы хабарлаған. Алайда оқиғалардың бірде бірі шындыққа жанаспайды.

«Тексеріс кезінде жалған шақыртулар болғанын және мұны 10-сынып оқушысы жасағанын анықтадық. Бала бұған дейін де үш рет хабарласқанын мойындады», — деп хабарланды полициядан.
Оқушының ата-анасына 30 АЕК — 91 мың теңге көлемінде айыппұл салынды.

ttps://stan.kz/atirauda-okushi-policiyani-tort-ret-aldadi-onin-ata-ana-364057/