Алматыда Toyota, Lexus, Hyundai және Honda көліктеріне арналған контрафактілі бөлшектердің қоймасы анықталды. Заңсыз тауарлардың жалпы құны 1,8 миллиард теңгеге тең, деп хабарлайды Stan.kz ақпарат агенттігі.
«Алматыда ұйымдасқан топ контрафактілі автобөлшектерді белгілі бренд ретінде Қазақстан бойынша сатып келген. Жедел шаралар нәтижесінде контрафактілі бөлшектердің қоймасы анықталып, құны 1,8 миллиард теңгеге тең тауарлар тәркіленді», – деп хабарлады Қаржылық мониторинг агенттігінің өкілдері.
Сотқа дейінгі тергеу аяқталды.
«Анықталғандай контрафактілі тауарлар танымал брендтердің қорабына салынып, Қазақстандағы автокөлік базарларына таратылған. Шара нәтижесінде 106 мың контрафактілі бөлшек тәркіленді. Қазір іс сотта қаралып жатыр», – деп қосты ведомстводағылар.
https://stan.kz/almatida-kontrafaktili-bolshekterdin-koymasi-aniktaldi-364474/
