Әнші Қуандық Рахымның шаңырағында үлкен қуаныш. Өнер иесінің тұңғышы дүниеге келді. Жұбайы Қуандыққа қыз сыйлады, деп хабарлайды Stan.kz ақпарат агенттігі.
Ерке Есмахан әріптесін желі арқылы құттықтап, сүйінші жаңалықты көпшілікке жеткізді.
«Кука, Жарқанат! Қызыңның бауы берік болсын. Құттықтаймын! Ата-ана болуларыңмен! Бір тойыңа қызмет етерім бар, бұйырса», — деп тілек білдірді әнші.
Ал әншінің өзі әлі сәбиін көрмеген ұқсайды. Ол Қазақстанның қалаларын аралап, концерт беріп жүр.
Айта кетейік, Қуандық Рахым 2020 жылдың қазан айында отбасын құрды. Әншінің жары – Түркістан облысы Шәуілдір ауылының тумасы Назерке Әметханова.
https://stan.kz/kuandik-rahimnin-tyngishi-duniege-keldi-364818/
