Талас ауданының орталығы — Қаратау қаласында Аналар кеңесінің «Ана—ұлттың тірегі, бала —ананың жүрегі» тақырыбында аймақтық семинар — кеңес ұйымдастырылды.
Қаладағы Балалар өнер мектебінде өткен кеңеске Жуалы, Жамбыл, Байзақ, Сарысу және Талас аудандары Іскер әйелдер қауымдастығы мүшелері, қаладағы білім, денсаулық сала қызметкерлері қатысты.
Күн тәртібінде бірқатар мәселелер қаралып, тиісті шешімдер қабылданды. Одан бөлек, кеңеске келген Жамбыл облыстық ардагерлер кеңесі төрағасының орынбасары Шәріп Дәулетбаев жиналған көпшілікке алдағы референдумға жаппай қатысуға шақырды.