Міне, бүгін қызығы мен қиыншылығы мол, әр оқу жылы қайталанбас тарихқа толы мектептің мерекесі, оқушылардың сыныптан — сыныпқа көшіп, асыға күткен жазғы демалысқа шығарып, салатын – соңғы қоңырау салтанаты!
Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл — қыздарымыз ойы толып, бойы өсіп, алтын ұя мектебімен қоштасқалы отыр.
Бұл күн – мектеп тарихында, мектеп бітіруші түлектер есінде мәңгі өшпесі анық.
Осындай тарихи білім ошағының бірі Талас ауданының Қаратау қаласындағы Қонаев мектебінің іргетасы осыдан 70 жыл бұрын қаланған екен.
Сол уақыттан бері көптеген жерлестеріміз осы білім ордасынан түлеп ұшты. Бір кездері Қаратаудағы жалғыз ғана қазақ мектебі болып, үш ауысымда да жұмыс істепті.
Биыл Дінмұхамед Ахметұлы Қонаевтың 110 жылдығы қарсаңында күрделі жөндеуден өтеді.
Жалпы аудан мектептерін 427 түлек бітірді. Оның 412-сі ҰБТ тапсыруға өтініш берді.
Алтын белгіге үміткерлер өткен оқу жылында 26 болса биыл 47 болып отыр.
Үміт пен арман, осынша сенім мен осынша тағдыр!
Еліміздегі мыңдаған мектептерден мыңдаған түлектердің ұшып шыққанын ескерсек, ересектер қатары осынша адамға, осынша күшке толықты!
Қанаттарың талмасын, жас түлектер!
