25 мамыр…Соңғы қоңырау үні… Жүректері лүпілдеп, жаңа өмірге қадам басқалы тұрған жас түлектер… Бүлдіршіндеріміз 1 жасқа есейіп, келесі сыныпқа көшсе, мектеп бітірушілері студенттік өмірге аттанады. Биыл ауданымызда 427 түлек білім ұясынан түлеп ұшса, оның 47-сі «Алтын белгіге» үміткер.
Соңғы қоңырау мерекесі аясында ауданымыздың іргелі оқу орны Д.Қонаев атындағы орта мектебінде іс-шара жоғары деңгейде өтті. Жиынға аудан әкімі Қанатбек Мәдібек, аудандық білім басшысы Мақсат Қазанғапов, ардагер ұстаз Данагүл Молдабаева және ата-аналар қатысты. Шара барысында аудан басшысы Қанатбек Қайшыбекұлы құттықтау сөз сөйлеп, мектеп бітіруші және мектеп табалдырығын жаңадан аттаған жас жеткіншектерге сәттілік тіледі. Соңғы қоңырау рәсіміне аталған мектеп ұясының 1982 жылғы түлектері қатысып, ыстық лебіздерін жеткізді.
Іс-шара соңында соңғы қоңырау соғу рәсімі орындалып, мектеп белсенділері мен өнерпаздарының концерттік бағдарламасына ұласты.
Талас ауданы әкімдігінің баспасөз қызметі
https://www.facebook.com/AkimatTalas/photos/pcb.966011184072902/966011044072916
