Тараз қаласында  «GRAND BAZAAR» сауда кешенінде өрт-тактикалық оқу-жаттығу өткізілді

Ағымдағы жылдың 23 мамыр  Тараз қаласындағы «GRAND BAZAAR» сауда кешеніні екінші қабатында орналасқан бутиктердің өртті сөндіру бойынша өрт-тактикалық оқу-жаттығуы ұйымдастырылып, өткізілді.

Өрт-тактикалық оқу-жаттығуды өткізудегі негізгі мақсат:

— нысанның өртке қарсы қорғау жоспарының орындалуы мен тиімділігін тексеру;

— оқу-жаттығуларға қатысушыларды ықтимал өрттерге дайындау;

-ғимараттың өрт-техникалық сипаттамасымен және сөндіру құралдарымен танысу;

— өрт кезінде адамдарды қауіпсіздікте ұстау және эвакуациялауды жүргізу.

Жаттығу ойламасы бойынша Тараз қаласы «Грант Базар» сауда үйінің екінші қабатындағы бір бутиктің ішінде электр сымдарының қысқа тұйықталуы нәтижесінде  өрт оқиғасы орын алады.

Күштер мен құралдарды жедел басқару орталығының дипетчерлерімнг №2 жоғарғы шақыруы бойынша шартты өртке Тараз қаласы гарнизонының өртке қарсы қызметінің күштері мен құралдары жөнелтіледі.

Аталған оқу-жаттығуға Жамбыл облысы ТЖД Өрт сөндіру және авариялық-құтқару жұмыстары қызметінен 25 адам жеке құрам жұмылдырылды.

Айта кеткен жөн, мемлекеттік өрт сөндіру қызметі келіп жеткенге дейін нысан тұлғаларымен алғашқы өрт сөндіру жұмыстары мен адамдарды қауіпсіз орынға көшіру әрекеттері пысықталды.  Арада көп уақыт өтпей өрт сөндіруші-құтқарушылар да оқиға орнына келіп жетті. Туындаған өрт оқиғасы орнында өрт сөндіру штабының жұмысы ұйымдастырылып, өрт ошағын   сөндіруге 4 «Б»  оқпаны, сонымен қатар және шатыр құрамаларын қорғап суытуға АЛ-32 автосатымен 1 лафеттік оқпанынан су  берілді.   Газ-түтіннен қорғау қызметінің 4 буыны құрылып, қауіпсіздік бекеттері қойылды.

Шартты өрттің алаңы 120 шаршы метрді құрады. Өрт оқиғасы орнынан 2 зардап шегуші құтқарылды.

Бөлімшелердің алдына қойылған тапсырмалар табысты орындалып, шартты өрт сөндірілді.

Оқу-жаттығу нәтижесі бойынша жетістіктер айтылып, кемшіліктер ескертілді.

Жамбыл облысы ТЖД Өрт сөндіру және авариялық-құтқару

жұмыстары қызметінің өрт сөндіру жедел кезекші қызметі