2021 жылдың басында Мемлекет басшысы Қасым-Жомарт Тоқаев «Тәуелсіздік бәрінен қымбат» атты мақаласында ауылдардың, ауылдық округтерінің, кенттердің және аудандық маңызға ие қала әкімдерінің сайлауы өтетінін айтқан болатын. Осы орайда бүгін Ащыбұлақ ауылдық клубында Шайдана, Ащыбұлақ ауылының тұрғындары сайлауға белсенді қатысып, дауыс беруге келуде.
Таңғы 07:00 –де Қазақстан Республикасы Мемлекеттік Әнұранымен басталған Ащыбұлақ ауылындағы №14 сайлау учаскесі ресми түрде ашылып, жұмысын бастады.
Ащыбұлақ және Шайдана ауылдарында дауыс беру құқығына ие сайлаушылардың саны — 1195 адам.
Сайлау учаскесінде ауыл азаматтары өз таңдауларын жасап жатыр.Дауыс беру таңғы 07:00 сағаттан кешкі 20:00 сағатқа дейін жалғасады.
Диас Шаухаров
