1 маусым — Халықаралық балаларды қорғау күніне орай, волейболдан 2007-2009 жылы туылған кіші жасөспірімдер арасындағы аудандық ашық турнир өтті.
Турнирге Талас ауданынан Берікқара, Көктал ауылдық округтері, N 32 балалар-жасөспірімдер спорт мектебі, А.Байтұрсынұлы атындағы гимназия және Волейбол федерациясының қыздары қатысты.
Жарыс қорытындысы бойынша жүлделі 1 орынды Берікқара ауылдық округі алды, 2 орынды Көктал ауылдық округі, 3 орынды N32 Балалар-жасөспірімдер спорт мектебінің командасы иеленді.
Жарыс соңында Көктал ауылдық округіндегі М.Жұмабаев орта мектебінің дене шынықтыру пәнінің мұғалімі, ардагерлер арасында волейболдан облыстың жеңімпазы Қадырбаев Әбілхан ағамыз ұйымдастыру алқасына рахметін айтып, жарысқа қатысушыларды балалар мерекесімен құттықтады.Талас ауданы әкімдігінің баспасөз қызметі
