Бүгін ел болып күткен референдум өтуде. Мемлекет басшысы Қасым-Жомарт Тоқаевтың Ата Заңға еңгізілетін толықтырулар мен өзгерістерді бүткіл халықтың талқысына шығарып отыр. Бұл – ел болып қолдауға лайықты іс.
Жамбыл ауданындағы 34 референдум учаскелерінде 50254 дауыс берушілер саны тіркелген.
Қазіргі таңда барлық референдум учаскелерінің есігі келуші тұрғындарға ашық.
Ауданда ең алғашқы болып референдум учаскесіне келген тұрғын анықталды.
Өрнек ауылы, Әбілдәұлы Бекбенбет көшесі №37 мекенжайда орналасқан №177 референдум сайлау учаскесінде 1477 сайлаушы тіркелген болса, Мірхалықова Хадиша олардың ішіндегі алғашқылардың бірі.
Осы күнге дейін референдумның мән-мағынасын кеңінен түсіндіру үшіниауданда 25 адамнан тұратын, 3 топқа бөлінген аудандық қоғамдық штаб құрылып, ауыл-аймақтар өз жұмыстарын жүргізген.
Жаңа Қазақстанды құрудың алғашқы қадамын референдумнан бастау арқылы ПрезидентІміз бұдан былай әрбір қазақстандықтың пікірі маңызды болатынын айқындап отыр. Өйткені референдум — елдің ең маңызды мәселелерін халық болып шешудің төте жолы.
Тарихи таңдауыңды жаса!
Жамбыл ауданы әкімдігінің баспасөз қызметі
