Жағымды жаңалық. Тараз қаласы жақында Бүкіләлемдік қолөнершілер қауымдастығының құрамына енбекші. Осыған орай, «Анаға тағзым» орталығының «Бойтұмар» қолөнер және дизайн үйірмесі жанынан жаңадан қолөнершілер курсы ашылды.
?Қолөнершілер курсының жұмысы осылай басталып кетті. Оны жеке кәсіпкер, белгілі қолөнер шебері Раушан Иманали жүргізетін болады.
?Раушан Иманали қазақ қолөнерін жаңғыртып, қазақы стильдегі қуыршақтарды жасандырып жүрген өнер иесі.
Сондай-ақ, ол қойдың жүнінен түрлі қолданбалы заттар, сәндік бұйымдар, бас киім, орамал, т.б. дүниелер дайындайды. Әрі жаңа технологиялардың көмегіне сүйене отырып жасайды. Сондықтан оны басқа да әйе-аналар мен қыз-келіншектер меңгеріп, табыс көзіне айналдырса нұр үстіне нұр.
?Ол үшін енді орталықта қолайлы жағдай жасалып отыр. Курсқа қатысуға ниетті жандардың уақытты текке кетірмей, жазылуларына әбден болады.
?Курс ақысыз, аптасына екі рет, яғни сейсенбі және бейсенбі күндері өтеді. Екі сағат уақытты қамтитын курстан үйренеріңіз көп екеніне кепілдік береміз.
