Қазақ қашанда қыз баласының тәрбиесіне жіті көңіл бөлген. Қызына қарата айтып, келінін тәрбиелеген. Саналы, есті келін өзіне қарата айтылмаса да, сол сөзді жадына түйіп, нәтиже шығаруға тырысқан. Кешегі ата-баба дәстүрі бүгінге дейін сақталып, әлі күнге осылай ететін әже-аналарымыз, қыз-келіншектеріміз көптеп табылады.
Орталықтандырылған көпшілік кітапханалар жүйесінің №5 кітапханасы «Қызым, сағанайтам, келінім, сен тыңда» тақырыбында аналармен ұйымдастырған кездесу кешініің негізгі тәрбиелік мәні де осында жатыр. Кездесуге арнайы шақырылған аналар қауымы өз өмір тәжірибелерімен бөлісіп, сырларын ашты. Болашақ жұбайлық өмірлеріне, келіндік міндеттеріне қатысты ақыл-кеңестерін айтты.
Орталықтың арулары келген қонақтарға әуезді ән арнап, күміс күй тартып, әсем биден шашу шашты. Ал, жастардың тәлімі мен тағлымы мол кездесуден көңілге түйгендері көп болды деп есептейміз.
