Құрметті қала тұрғындары!
Қадірменді жерлестер!
Баршаңызды Жаңатас қаласының күнімен құттықтаймын!
Тарих үшін бұл санаулы сәт болғанымен, қаланың дамуы үшін маңызды кезең.
Жарты ғасырлық тарихы бар кеншілер қаласы бүгінгі күні экономикасы дамыған, әлеуеті артқан қалаға айналды.
Бұл – Жаңатастықтардың қажымас қайраты мен еңбегінің айқын дәлелі деп білемін.
Осы орайда, қаланың іргетасын қалаушы ардагерлер мен қаламыздың әрбір тұрғынына алғыс білдіргім келеді.
Біздің алдымызда қаламызды одан әрі дамыту және ауқымды жобалар мен инновациялар үшін тартымды ету міндеті тұр.
Бұл жоспарларға барлығымыз біріге отырып, қол жеткізетінімізге кәміл сенемін.
Құрметті қала тұрғындары!
Туған жерге, өз қаламызға жанашырлықпен қарап, қамқорлық таныту – перзенттік парызымыз.
Сіздерді тағы да қала күнімен құттықтаймын! Әр отбасыға зор денсаулық, бақыт пен аманды тілеймін! Сүйікті қаламыздың дамуы мен өркендеуі жолындағы еңбектеріңізге сәттілік тілеймін!
Сарысу ауданының әкімі Марат Сұлтанғалиев
