Сарыкемер ауылы Ғ.Мұратбаев атындағы гимназиясында аудан әкімдігінің дене шынықтыру және спорт бөлімі мен Бұқаралық спорт іс-шараларын өткізу орталығы бірлесе ұйымдастыруымен Жамбыл облысы шахмат федерациясы ҚР Полиция күні мерекесіне орай, Халық қаһарманы, полиция капитаны ҒАЗИЗ ӘДІЛБЕКҰЛЫ БАЙТАСОВТЫ еске алуға арналған жылдам шахматтан жасөспірімдер арасындағы облыстық турнирі өз мәресіне жетті.
Жарысқа Қордай, Т.Рысқұлов, Байзақ аудандары мен Тараз қаласы және Ресей федерациясы ТОМБЫ қаласынан келген жас спортшылар өзара бақ сынасты. Тартысты өткен ойында жеңімпаздар анықталып жүлделі орындарға ие болды. Жарысқа 70-ке жуық жас спортшылар қатысты.Жалпы командалық есепте жүлделі 1-орынды Т.Рысқұлов ауданы, 2-орынды Тараз қаласы, 3-орынды Байзақ ауданы иеленді.Жарыс жеңімпаздары тиісті Диплом медаль кубоктармен және сыйлықтармен марапатталды.
Жарыстың соңында Жамбыл облысы шахмат федерациясының бас төрағасы Утеулиев Әлібек Кеулімжайұлы жас спортшыларға жылы лебізін білдіріп үлкен белестерді бағындыруды тіледі.
