Жуырда ғана ел тарихындағы аса маңызды саяси науқан — жалпыхалықтық референдум өткені белгілі. Республикалық референдум – мемлекеттің ең маңызды мәселелерін халық болып шешудің төте жолы. Сол арқылы әрбір әрекетімізді, атқарар істерімізді, еңсерер меже-міндеттерімізді өзара ақылдаса отырып, кемеліне келтіріп, жүйелі жүргізе аламыз.
Міне, дәл осындай маңызды сәтте Отан алдындағы жауапкершілікті сезініп, елді бір арнаға тоғыстыруда ерекше еңбек еткен азаматтар болды. Олар тұрғындарды тарихи таңдаудан тыс қалмауға шақырып, насихат жұмыстарын жоғары деңгейде ұйымдастыра білді.
Осыған орай, бүгін референдумның жоғары деңгейде өтуіне атсалысқан аудан тұрғындарымен кездесіп, өз алғысымды жеткіздім. Сондай-ақ, бірқатар белсенді жандарға тиісті алғыстарымызды табыстадық.
Барша аудан тұрғындарының ел игілігі жолындағы қызметтеріне табыс тілеймін!
