Маңғыстау облысында жұмыссыз ауыл тұрғындары жұмысқа орналастырушы талап етіп, жолды жауып тастады, деп хабарлайды Stan.kz ақпарат агенттігі.
«29 маусым күні сағат 18.20-да Жетібай мен Мұнайшының 30-ға жуық жұмыссыз тұрғыны мұнай секторына жұмысқа орналастыруды талап етіп, «Маңғыстаумұнайгаз» АҚ кен орнына баратын жолды жауып тастады», — деп хабарлайды Маңғыстау облысының әкімдігі.
Қарақия ауданы әкімдігінің өкілдері жиналғандарға түсіндірме жұмыстарын жүргізді.
«Оларға жұмысқа орналастыру жалпы кезек бойынша жүргізілетіні хабарланды. Кезектен тыс жұмысқа орналастыру басқа үміткерлерге жасалған әділетсіздік болады”, — делінген хабарламада.
- Атына 16 миллион теңгенің көлігін несиеге рәсімдеген: Алаяқтарға алданған маңғыстаулықтар елордадағы көпірдің астында түнеп жүр
- «Мәселе бір айдан бері шешілмеді»: Маңғыстау облысында наразылық білдірген жұмысшыларға әйелдері мен балалары қосылды
Әкімдік ауданда жыл басынан бері 366 жұмыс орны ашылғанын, бұл мақсатқа 2022 жылы өңірлік жоба аясында 180 миллион теңге бөлінгенін баса айтты.
«Қазір бұл бағдарлама бойынша 172 адам жұмыс істейді. Жұмысшылардың орташа жалақысы 170 000 теңгені құрады. Айта кетейік, қазіргі уақытта облыстық жұмыспен қамту орталығында орташа жалақысы 100 000 теңгеден асатын бос орындар бар. Бірақ тұрғындардың басым бөлігі жалпы кезекті айналып өтіп, мұнай саласына жұмысқа орналастыруды талап етіп, қарапайым жұмысқа барудан бас тартады», — деп қорытындылады әкімшілік.
https://stan.kz/zhymis-tauip-berinder-mangistau-oblisinda-auil-tyrginda-366729/
