Трагедия Солтүстік Қазақстан облысында болды. 36 жастағы ер адам жанжал кезінде әйелін ауыр жаралап, кейін өзіне қол салған.
Оқиға туралы сақшыларға сол кезде үйде болған марқұмдардың балалары хабарлады.
«Жедел тергеу тобы үйден зорлық-зомбылық белгілері бар 33 жастағы әйел мен 36 жастағы ер адамның мәйітін тапты. Оқиға орнынан аңшы қаруы тәркіленді», — деп хабарлады прокуратура.
Аталған факті бойынша Қылмыстық кодекстің 99-бабының екінші бөлігі бойынша сотқа дейінгі тергеу басталды. Жетім қалған кәмелетке толмаған үш бала Айыртау ауданы Саумалкөл ауылындағы қиын жағдайға тап болған балаларды қолдау орталығына орналастырылды.
Қажетті сот-медициналық сараптамалар кешені тағайындалды. Істің барлық мән-жайын анықтау мақсатында тергеу амалдары жүргізілуде.
