Өңірдегі бірден-бір ауыл шаруашылығы мамандарын дайындайтын 100 жылға жуық тарихы бар Құлан агротехникалық жоғары колледжінде 29 маусым күні биылғы оқу жылының бітіруші түлектеріне арналған «Жас мамандар — тәуелсіз ел қыраны» атты диплом табыстау шарасы өтті.
Шараға Т.Рысқұлов аудандық фитосантария орталығының басшысы Абдыкаликов Малик Ашимбаевич, әрбір бітіруші түлек үшін маңызды әрі қуанышты күні жандарынан табылуды құп көрген ата-аналары және колледж оқытушылары қатысты. Биылғы оқу жылын 137 түлек тәмәмдап отыр. Оның 15-і үздік диплом иегері атанды. Колледж қабырғасында оқи жүріп, қоғамдық жұмыстарда белсенділік танытқан, білімді де назардан тыс қалдырмаған студенттерге колледж әкімшілігі тарапапынан алғыс хаттар табыс етілді.
Дипломдарды табыстау салтанатты рәсімінің қорытынды бөлімінде Мадияров Нұржігіт пен Тұрсынбаева Жанерке колледж түлектері атынан сөз сөйледі. 4 жыл білім нәрімен сусындатқан оқытушыларына өздеріне берген білімдері мен кәсіби дағдылары үшін ризашылықтарын білдірді. Өмірге жолдама алып, жас маман атанып ұядан ұшқан түлектерге қойылған мақсаттарға қол жеткізуде табанды болуға тілек білдіріп, Жаңа Қазақстанның өсіп өркендеуіне , ауылшаруашылығы саласының дамуына лайықты үлес қосатынына үміт артамыз. Колледж ұжымы өз түлектеріне табыс тілейді. Ақ жол!
Құлан Агротехникалық Жоғары Колледжі
