Маған қолдау білдіріп келген аппақ жүректі, адал пейілді, пәк көңілді Жақсыларым, Жақсы адамдарым, барлығыңызға алғысым шексіз!
Естіп қалдым да келдім деп дәу құшақ жұпар гүлдерін көтеріп, аңқылдай ақжарылып, желпілдеп жеткен Аңқыл Жандар, сіздерге де Жаратқан Ием қашан да жар болсын!
Сіздер түгілі «Кітапхана түні» атты республикалық мерекелік кешті өзім де бірінші рет көрдім. Көне шаһардағы 29 маусым, сәрсенбі күнгі бұл іс-шараны М.Әуезов кітапханасының ауласында облыстық, қалалық мәдениет пен кітапхана қызметкерлері керемет ұйымдастырыпты.
Олардың қайтсек кітапсүйер оқырманның қарасын көбейтеміз деген мақсаттары мәресіне жетті деп ойлаймын.
Өйткені, сағат 20.00-де басталып кеткен мерекелік кешке жиылған қауымның көптігі сонша, батысқа еңкейіп бара жатқан жалқын күннің қызуынан қорғана, жасыл ағаштарды көлеңкелеп те иінтіресе тұрған жұрт көзалдымда.
Тұсаукесерге аймақ басшысының құттықтауын жеткізген облыс әкімінің орынбасары Еркин Уйсимбаевқа, Тараз қаласы әкімінің міндетін атқарушы Қайрат Абилханұлына, Талас, Сарысу аудандары әкімдерінің аппақ тілегін арқалай әкелген орынбасарлары Айтолкын Абдибекова мен Нұржан Нұралиевке, облыстық мәслихат депутаты Жумахан Мукашұлына, Жамбыл Облысы Мәдениет, архивтер және құжаттама басқармасының басшысы Ерлан Жүнісбайға,
«Көне Тараз» қорының төрағасы Азимов Муратбекке,
Талас Аудандық Орталық Кітапхана директоры Шынар Жумабекова мен Ұлбике Ақын Мәдениет Орталығының директоры Кенже Пірманға, Тараз Халықаралық институты ректоры Ерболат Саурыковқа, профессорлары Меңдібай аға мен Алмасбек Белботаевқа, ТарӨУ-ң ғалымдары Орынқыз Джолдасова мен Нарима Есеноваға, облыстық Ардагерлер Кеңесінің төрағасы Еркімбек Солтыбаев бастаған ардагерлерге, мемлекет және қоғам қайраткерлері Амангелді Карентаев пен Qasymhan Estemesuly Tólendievке, қаламгер ағалар Елен Алимжан мен Қайырбек Асановқа, Анаға Тағзым Орталығының директоры Эльмира Мырза-Гали сіңліме, жас ақын Марал Хантөре қызыма, аймақ «Әулиеата-медиасының» басшысы Оралхан Дәуітке, облыстық телевидение басшысы Мейіржан Әлібекұлына, журналист-ақын Есет Досалыға, Тараз Жастар Ресурстық Орталығының директоры Abzal Esirkepovке, сондай-ақ аты аталмай қалған өңіріміздің үлкен-кіші зиялы қауымына Алланың нұры жаусын.
Баршаңызға ізгі ниетпен:
1.06.20
