Бүгін облыс әкімі Нұржан Нұржігітов жұмыс жоспарымен Жамбыл ауданына келіп, бірқатар нысандарды аралады.
Жұмыс сапары барысында Нұржан Молдиярұлы «АЕК АСА» күн электр энергиясының жұмысымен танысты.
Аудан басшысы Ерлан Қыдыралыұлының айтуынша, бүгінде құрылыс жұмыстарына 20 млрд теңгеге жуық қаражат жұмсалып, жұмыстар аяқталып, қондырғылар сынақ мерзімінен өтуде.
Ауа райына байланысты күніне 250-300 мегеват энергия өндіреді. Тұрақты жұмысқа 15 азамат жұмылдырылмақ. Күн электр стансасының жер көлемі 300 гектар алқапты құрайды.
Құрылыс жұмыстарын аралаған облыс әкімі ауыл азаматтарын жұмысқа тартуға екпін беру қажеттігін алға тартты.
Жамбыл ауданы әкімдігінің баспасөз қызметі
