Бокс саласындағы британдық сарапшы Ли Кормили Vesti.kz тілшісіне берген сұхбатында қазақстандық кәсіпқой боксшы Геннадий Головкин (42-1-1, 37 КО) супер орта салмақтағы абсолютті әлем чемпионы мексикалық Сауль «Канело» Альвареспен (57-2-2, 39 КО) үшінші жекпе-жегі туралы айтты, деп хабарлайды Stan.kz Ақпарат агенттігі.
Маман GGG-дің қарсыласын нокаунтқа жіберуге мүмкіндігі бар деп санайды.
«Головкин төрт жыл уақытын жоғалтты. Оның алғашқы екі жылында мықты қарсылас болатын, қазір «Канело» бабында. Ол бұл жекпе-жектің абсолютті фавориті. Ол жас әрі жылдам. Сонымен бірге жекпе-жек Лас-Вегаста өтеді.»
Головкин жағында — оның жойқын соққысы ғана қалды. GGG-дің жалғыз мүмкіндігі — ол жекпе-жекте өз сәтін ұстап, «Канелоны» нокаутқа түсіре алады. Әрине, бұған сену қиын, дегенмен ықтималдығы әлі де сақталады», — деді Кормили.
Еске салайық, Альварес мамыр айында жеңіл салмақтағы WBA чемпионы ресейлік Дмитрий Биволдан (20-0, 11 КО) жеңіліп қалды. Ал Головкин сәуір айында жапондық Риота Муратаны (16-3, 13 КО) нокаутқа түсіріп, орта салмақтағы WBA, IBF және IBO чемпиондық титулдарын біріктірген болатын.
«GGG» — «Канело» трилогиясы Лас-Вегастағы (АҚШ) T-Mobile Arena-да өтеді. Біріншісі (2017) даулы тең нәтижемен аяқталды, ал екіншісінде (2018) мексикалық жеңіске жетті. Бұл жолы мекликалық боксшының белбеулері сарапқа салынбақ.
Бұған дейін Головкин мен Канело арасындағы үшінші жекпе-жек қашан өтетіні туралы жазған едік.
https://stan.kz/sarapshi-golovkinnin-kaneloni-merziminen-byrin-zhenui-i-366998/
