Жамбыл облысының ҚАЖ қызметкерлері Тараз қаласынан кезекті рет қару-жарақ тапты. Өңірлік ҚАЖ департаментіне бағынысты ЖД-158/5 мекемесінің жедел бөлімшесінің қызметкерлері облыстық Полиция департаментінің криминалды полиция басқармасындағы әріптестерімен бірлесіп, жедел ақпаратқа сәйкес шаһардағы Шаңырақ мөлтек ауданының кіре берісіндегі жоғары вольтты желілер бойындағы бетон сынықтарының астынан полиэтилен пакетін тапты. Оның ішінде, нөмірі өшірілген 1 бірлік 16 калибрлі мылтық, 1 бірлік газ-травматикалық қышқылды «Макаров» тапаншасы сондай-ақ көзден жас ағызатын граната бар екендігі анықталды.
Бүгінгі таңда шұғыл тергеу жұмыстары жүргізілуде.
