Оралда апатап ыстықтың салдарынан жүрек аурулары мен гипертониялық науқастардың саны күрт өскен. Дәрігерлер соңғы тәуліктің өзінде көмек сұраған 100 адамның жартысы ауруханаға жатқызылғанын жеткізді, деп хабарлайды Stan.kz ақпарат агенттігі “Астана” арнасына сілтеме жасап.
Тұрғындардың айтуынша адамдар аптап ыстықтың салдарынан болатын әлсіздікке, шаршағыштыққа, летаргияға, бас ауруы мен депрессиялық көңіл-күйге шағымдануда.
“Науқастар көп. Олардың саны күніне 30 науқасқа дейін өсті. Артериялық гипертензиямен ауыратын науқастар тұрақты түрде негізгі ем қабылдауын және тіркелген жеріндегі емханаларға хабарласуын сұраймын”,- деді қалалық көпсалалы аурухананың терапевті Дина Әбдірова.
Ыстықтан қан қысымының көтерілуі әсіресе 30 жастан асқан адамдарда жиі кездесуде. Ауа-райының кез келген өзгерістері олардың жағдайына әсер етеді.
“Мен ұзақ уақыт бойы жоғары қан қысымымен ауырып келемін. Бірақ осындай ыстық ауа-райынан дене қызуым 240-қа дейін күрт көтеріліп, жүре алмай, басым айналып ауырдым. Жедел жәрдем шақырдым, ауруханаға апарып, екпе салды”,-деді Орал қаласының тұрғыны Балзира Ахметжанова.
Тұрғындар үйде немесе субұрқақтардың маңында жүруге мәжбүр. Синоптиктер шілденің соңына дейін ыстықтың басылмайтынын ескертуде. Алайда аздаған жауынның болуы да мүмкін.
“Облыстың батысында, солтүстігінде өткінші жаңбыр, найзағай, бұршақ жауады. Жел оңтүстік-батыстан 9-14, облыстың шығысында секундына 15-20 метрге дейін болады. Ауа температурасы түнде 18-23, күндіз 27-32, облыстың оңтүстігінде 35 градус жылы”, деді инжинер-синоптик Дана Әкімғожина.
Ал Қазгидромет 15 шілдеден бастап солтүстік циклонның еліміздің батысы мен солтүстігіне ықпал ете бастайтынын атап өтті.
https://stan.kz/news-367507/
