2022 жылдың 16 шілде күні 12 сағат 30 минут шамасында Сарысу ауданы, Жаңатас қаласы, қалалық жағажайда 23.04.2006 жылы туған Н.Қ. есімді азаматтың суға байқаусызда бату оқиғасы орын алды.
Кезекшілік барысында жедел құтқару жасағының бастығы Мұхит Есентаев суға батқан азаматты дер кезінде құтқарып, аудандық орталық ауруханаға жеткізді. Қазіргі таңда құтқарылған азамат жансақтау бөліміне жатқызылды. Н.Қ. Жаңатас қалалық көпсалалы колледжінің студенті екені анықталды. Дәрігерлер науқастың жағдайы орташа деп бағалады.
Құрметті аудан тұрғындары! Жаздық маусымда суға кету қаупі жоғары екенін ескере отырып, балаларыңыздың қауіпсіздігін сақтауларыңызды сұранамыз.
Сарысу ауданы әкімдігінің баспасөз қызметі