Жамбыл облысы әкімдігінің мәдениет, архивтер және құжаттама басқармасының қолдауымен Халық жазушысы Шерхан Мұртазаның 90 жЖылдығы және «Aq jol» газетінің 100 жылдығына орай Халықаралық айтыс ақындары, жыршы-термешілер мен манасшылар арасындағы «Ақынға парыз көп ойлау, артық та емес доп ойнау» атты кіші футболдан турнир өткізілді. Турнир басталмастан бұрын, іс-шара әдеби-сазды кешпен бастау алып, айтыскер ақындар мен жыршы-манасшылардың арнаулары тыңдалады.
Жарысқа Қырғызстан Республикасы, Нұр-Сұлтан қаласы, Маңғыстау, Қызылорда, Жамбыл облыстарынан командалар қатысты.Ақындар арасындағы әріптестік, достық байланысты арттыру, айтыс ақындарын, жыршы-термешілер мен манасшыларды спортпен жүйелі түрде шұғылдануға жұмылдыру мақсатында өткен турнирді облыс әкімдігінің мәдениет, архивтер және құжаттама басқармасының басшысы Ерлан Жүнісбай құттықтау сөзімен ашып берді.
— Қазақ – қырғыз ертеден-ақ, ғасырлар белесінде тағдыр талайын қатар көрген халық. Бүінгі ауқымды шара екі елдің арасындағы достықты тағы да нығайта түскендей. Баршаңызға сәттілік тілеймін! Екі елдің арасындағы ұлы достық жасай берсін!, — деді Ерлан Нұрманұлы өз сөзінде.
Турнир нәтижесіне сәйкес, бірінші орынды маңғыстаулық «Жыр жебе» командасы иеленсе, екінші орынды жамбылдық «Руханият» құрама командасы еншіледі. Ал үштікті қызылордалық «Ақмешіт» командасы түйіндеді