2022 жылдың 29-30-на қараған түні Алматы-Ташкент-Термез тас жолында Ақшолақ елдімекені маңындағы кезекті рейдтік профилактикалық іс-шара жүргізілді.
Аталған іс-шара барысында Облыстық полиция департаменті, Жамбыл облысы бойынша көліктік бақылау инспекция, облыс әкімдігінің жолаушылар көлігі және автомобиль жолдары басқармасы және Жамбыл облысы бойынша мемлекеттік кірістер департаменті тарапынан 39 автокөлік тоқтатылып, оның 10-на яғни, механикалық-медициналық куәландырудан өтпеген, билет сатылымы жүргізілмеген, тасымалдау құқығына қажетті құжаттарынсыз жолаушылар тасымалымен айналысып жүрген және жолаушылар тасымалдау қағидаларын бұзу фактілері (№571, 572, 463 б.) бойынша айыппұл салынды. Сондай-ақ, Көліктік бақылау инспекция тарапынан 6 хаттама, және Полиция департаменті тарапынан 4 хаттама толтырылып, қалған автокөліктерге түсіндірме жұмыстары жүргізілді.
Аталған рейдтік іс-шаралар заңсыз жолаушылар тасымалын тоқтату және жолаушылар тасымалдау әлеуетін көтеру мақсатында жүргізілуде.
Облыс және қала тұрғындары тарапынан, жол көлік оқиғаларының алдын алу және қауіпсіздік шараларын сақтау мақсатында, заңсыз жолаушы тасымалдаушылардың қызметіне жүгінбеуді сұраймыз!
