Білім беру ұйымдарына педагогтарды конкурстық негізде жұмысқа қабылдау Қазақстан Республикасының Білім және ғылым министрінің 2012 жылғы 21 ақпандағы №57 бұйрығының (19.11.2021 №568 өзгерістерімен) талаптарына сәйкес жүргізіледі.
Конкурс аптасына 16 сағат және одан да көп сағат оқу жүктемесі бар педагогтің бос немесе уақытша бос лауазымына өткізіледі.Бос лауазымдар болған жағдайда әрбір педагогке сағат саны педагогтің бір жарым ставкасынан аспауы тиіс.
Тиісті деңгейдегі білім беру ұйымдарының және білім беруді басқару органының ресми сайтында, әлеуметтік желілердегі ресми парақшаларда конкурс өткізу туралы хабарландыру беріледі және жұмыспен қамту орталығының «enbek kz» сайты арқылы бос орындарды білуге болады.
Сонымен қатар, педагог жұмысқа тұру үшін ұлттық біліктілік тестілеуге app.testcenter.kz арқылы тіркеліп «педагог» санатына тест тапсыру қажет.ЖАМБЫЛ ОБЛЫСЫ БІЛІМ БАСҚАРМАСЫ
