⚜️10 тамыз – Абай күніне орай Сарысу ауданы әкімдігінің ішкі саясат бөлімінің ұйымдастыруымен аудандық ардагерлер кеңесінің мүшелері, зиялы қауым өкілдері, мекеме, кәсіпорын қызметкерлері мен жастардың қатысуымен «Абай – ұлттың биігі» атты дөңгелек үстел өтті.
🔰 Іс-шара шымылдығын аудан әкімі Марат Сұлтанғалиев мерекелік құттықтау сөзімен ашып, әрі қарай елді бірлікке, ынтымаққа шақыратын, адамгершілікке үндейтін рухани әңгімеге жалғастырып, қатысушылармен еркін пікір алмасты.
🔱 Жазушылар Одағының мүшесі, халықаралық «Алаш» әдеби сыйлығының иегері Пернебай Дүйсенбин мен аудандық ардагерлер кеңесінің төрағасы Жанат Жұмаділдаев бастаған ардагерлер кеңесінің мүшелері мен зиялы қауым өкілдері ұлы Абайдың бірлікке, ынтымақтыққа, татулыққа шақыратын тағылымға толы шығармаларының өзекті тұстарын талдап, қара сөздерінің құндылығына тоқталды.
♻️ Мерейлі мереке әдеби кешке ұласып, аудандық мәдениет үйінің қызметкерлері ұлы ақынның сөзіне жазылған «Айттым сәлем, Қаламқас», «Өзгеге көңілім тоярсың», «Көзімнің қарасы», «Желсіз түнде жарық ай», т.б. әндері шырқаса, кітапхана қызметкерлері Абай мұраларына арналған виртуалды кітап көрмесі арқылы таныстырды.
✅ Ұлы ойшылдың ұрпаққа қалдырған өсиетін насихаттай отырып, тұтас ұлт руханиятына құрмет көрсетеріміз анық.
🖋 Сарысу ауданы әкімдігінің баспасөз қызметі
