«Бәйтеректің» еншілес компаниясында табыстың 13 есеге азайғанына қарамастан басшылардың сыйақысы 36%-ға өскен
«Бәйтерек» Ұлттық холдингінің еншілер «Қазына Капитал Менеджмент» АҚ басшылығының бонусы 36%-ға өскен. Дегенмен 2022 жылдың алғашқы жарты жылдығы бойынша компанияның табысы 13 есеге азайған, деп хабарлайды Stan.kz ақпарат агенттігі.
«Қазына Капитал Менеджмент» АҚ-ның табысы 2022 жылдың алғашқы тоқсанында 12,7 есеге немесе 376 миллион теңгеге дейін төмендеген. Алайда басшыларының сыйақысы 36%-ға өскен», – делінген KASE сайтындағы мәліметте.
Қаржылық есепте 2022 жылдың бірінші тоқсанында салық салынғанға дейін компания табысы 6,7 есеге немесе 766 миллион теңгеге дейін, ал операциялық кірістер 3 есеге, 1,9 миллиард теңгеге дейін азайғаны , таза пайыздық табыс керісінше 2 есеге немесе 1,9 миллиард теңгеге дейін өскені көрсетілген.
«Қазына Капитал Менеджмент» компаниясының басшыларына берілетін сыйақы 2021 жылдың бірінші тоқсанымен салыстырғанда 36%-ға, яғни 108 миллион теңгеге дейін өскен. Ал директорлар кеңесінің сыйақысы өзгеріссіз 15 миллион теңге көлемінде қалған. Қызметкерлерге арналған шығын 1,7 есеге немесе 1,05 миллиард теңгеге өсіпті.
Компания активтері 2%-ға өсіп, 219 миллиард теңгеге жеткен. Жеке капиталы да 2,5%-ға өсіп, 166 миллиард теңгеге жетті.
Компанияның сайтында басқарма басшысы ретінде Айнұр Қуатова, оның орынбасарлары Ерболат Жолат, Айтуған Жақсымбай мен Гүлнара Маканалина екені көрсетілген.
«Қазына Капитал Менеджмент» «Бәйтерек» Ұлттық басқарушы холдингі» АҚ құрамына кіреді. Компанияға «АстанаГаз КМГ» АҚ 50%, «Макинск жылу оқшаулағыш зауыты» ЖШС 49%, «Citic Kazyna Investment L.P.» компаниясының 49,9% және өзге де кәсіпорындар мен компаниялар тиесілі.
https://stan.kz/bayterektin-enshiles-kompaniyasinda-tabistin-13-esege-a-368687/
