13 тамыз Тараз қаласының төрінде “Д.А.Қонаев орталығының” ашылу салтанаты өтті. Орталық экспозициясы Д.А.Қонаев атамыздың шежіресінен, балалық шағынан бастап студенттік жылдары, қызметінің басталуы, отбасы Қазақ КСР кезіндегі ел дамуына қосқан үлесі бойынша көпшілік назарына ұсынылды.
Дінмұхамед Ахметұлы — КСРО дәуірінде ең жоғары саяси лауазымға ие болған алғашқы қазақ. Келушілер Д.А.Қонаевтың жеке хоббилерімен, ел үшін жасалған ұмытылмас игі істерімен кеңінен танысты.
Сондай-ақ, экспозицияда “Д.А.Қонаев музей- үйінен” жеке түпнұсқа заттарынан уақытша көрме жасақталды.
Ашылу салтанатына А.Қонаев және туыстары, халықтың дарабоз актері А.Әшімов, халық әншісі А. Қоразбаев және т.б., зиялы қауым өкілдері, Жамбыл облысының экс әкімдері, басқарма басшылары қатысты. Алдағы уақытта орталық халық үшін мәдени- ағарту орталығына айналмақ.
Жамбыл облыстық тарихи-өлкетану музейі
