Бүгін облыс әкімі Нұржан Нұржігітовтің жұмыс сапарымен Т.Рысқұлов ауданында болып, «Қарақыстақ мүгедек балаларды оңалту және бейімдеу орталығы» коммуналдық мемлекеттік мекемесінің жұмысымен танысты.
Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасының басшысы Еркін Келесовтың айтуынша, сыйымдылығы 80 орынды құрайтын орталық ақпан айында қолданысқа берілген.
Орталықта 1,5-18 жас аралығындағы мүмкіндігі шектеулі 31 балаға 44 қызметші қарастырылған.
Жөндеу жұмыстары тиянағын табатын болса мұнда жалпы 51 бала қамтылып, қызмет көрсетушілер саны 73 жетеді.
Орталық жұмысымен танысқан Нұржан Молдиярұлы ағымды жөндеу жұмыстарын сапалы жасау, балаларрға қызмет көрсетуді жетілдіру қажеттін алға тартты.
Жамбыл облысы әкімдігінің ЖҚҮЖӘБ баспасөз қызметі
