«Шымкентте мұндай ғимарат болмаған»: Қараусыз қалған Фосфоршылар сарайының тағдыры елді алаңдатып отыр

Едендегі сынған терезелер, қоқыстар мен кірпіштерді көргенде, алты жыл бұрын бұл ғимаратында балалардың дауыстары естілді дегенге сену қиын. Мұнда түрлі үйірмелер ашылып, ауқымды фестивальдар мен концерттер өтті, тіпті басқа елдерден жұлдыздар келді.

“Облыстық ауқымдағы барлық іс-шаралар осында өтті. Кіру бір ғанибет болды: орындықтары, жайлылығы тамаша! Әдемі еді — Шымкентте мұндай ғимарат болған жоқ. Осындай сарайды аяймыз”, – деді еңбек ардагері Өркен Әбдіреев.

2016 жылы Тоқтар Төлешов бірқатар баптар бойынша, соның ішінде мемлекеттік төңкеріс жасағаны үшін 21 жылға сотталды. Оның мүлкі тәркіленді. Бұл нысанды бөлшектеуге кірісті:  көрермендер залындағы орындықтарды, алып сахнаны алып тастады. Вандализм үшін ешкім жазаланған жоқ. Саябақтың айналасындағы үлкен аумақ арамшөптерге толып кетті. Егер әкімдік ғимаратты өз балансына қабылдаса, бұған жол бермеуге болар еді. Бірақ әлі күнге дейін сарай бақылауға алынбады. Себебі, ғимаратты иеленетін компания — «Дархан Group» ЖШС 1 миллиард 800 миллион теңге қарызы бар екені анықталды.

“Сарапшының, маманның қорытындысы бар, ұрланған металл заттар бойынша шығын 49 миллион теңгені құрайды. Қазір «Дархан Group» қаржы қызметіне талдау, сондай-ақ аудиттен өтуде, жақын арада, қыркүйектің алғашқы күндерінде қорытынды алуға тиіспіз. Бұл қарыздың қайдан шыққанын анықтаймыз деп ойлаймын”, – дейді  «Дархан Group»ЖШС директоры Нұрғали Досанбаев

Кәсіпорын директоры қарыз жалған екенін айтады. Бірақ бірнеше жылдан бері мұны дәлелдей алмай жүр. Жергілікті тұрғындар депутаттарға жүгінді. Азат Перуашев Шымкентке келіп, көмектесуге уәде берді.

“Бірінші міндет – бұл нысанды қарыздардан тазарту. Қалай: ЖШС банкроттық рәсімі арқылы жүзеге асыру қажет, мұны Қаржы министрлігіндегі комитет жасайды. Парламент жұмысын бастағаннан кейін, қыркүйек айында Қаржы министрімен, Мемлекеттік мүлік комитетінің банкроттық және оңалту комитетінің басшылығымен келіссөз жүргіземін”, – деді ҚР Парламенті Мәжілісінің депутаты.

Қарыздар есептен шығарылған кезде ғимаратты мемлекет, содан кейін әкімдік балансына бере алады. Жергілікті тұрғындар Фосфоршылар сарайының орнына кезекті сауда үйін немесе тұрғын үй кешенін емес, бұрынғы жұмысын қайта жаңғыртады деп үміттенеді.