Құрметті аудан тұрғындары!
Сіздерді 30 тамыз – Конституция күні мерекесімен шын жүректен құттықтаймын.
Азаматтығымыздың айшықты айғағы болған Ата Заң – Тәуелсіздіктің теңдессіз тартуы.
1995 жылы тамыздың 30 – ында Қазақстан халқы өз жолын таңдап, тарихи шешім қабылдап, еліміздің Конституциясы бекітілді.
Жаңа мемлекеттің құқықтық негізін айқындаған Негізгі заңымыздың қабылданғанына биыл 27 жыл толып отыр.
Осы уақыт ішінде Қазақстаннның Ата Заңы өзінің заман талабына лайықты екенін көрсетті.
Біз қуатты елге, әлеуетті ұлтқа айналдық. Ортақ шаңырағымыздың шекарасын шегелеп, іргемізді мызғымастай етіп бекіттік. Тыныштық пен тұрақтылықты мұрат еткен Қазақстан халқы Тәуелсіздікті баянды ету, даму жолына түсті.
Уақыт бір орнында тұрмайды.
Мемлекет басшысы Қасым-Жомарт Тоқаев үстіміздегі жылғы 16 наурыздағы Қазақстан халқына Жолдауында елімізді одан әрі демократияландыру үшін саяси жүйені өзгерту жөнінде бастама көтерді. Мұны тиімді жүзеге асыру үшін Ата Заңымызға өзгерістер енгізу қажет болды. Негізгі Заңды өзгертудің маңызы зор, ел тағдыры үшін айрықша мәні бар еді.
Ел Президентінің Жарлығымен осы жылдың 5 маусымында жалпыхалықтық референдум өткізіліп, Консититуцияға өзгерістер енгізілді. Ел дамуының жаңа кезеңі басталды. Конституцияға енгізілген өзгерістер Қазақстан тарихының келесі парағын ашты.
Елімізді одан әрі демократияландырудың үдерісі басталды.
Заң – ел мен жердің қамы, халықтың тағдыры, ұрпақтың болашағы үшін керек. Әрбір азамат конституциялық құқықтарын біліп, сол заңдарды ұстануы қажет.
Мемлекеттің Ата Заңын сыйлау, заң – ережелерін бұлжытпай орындау әр азаматтың парызы.
Қадірлі ағайын!
Баршаңызды Конституция күнімен құттықтай отырып, дендеріңізге саулық, отбастарыңызға амандық, бақ – береке тілеймін.
Ата Заңын ардақ тұтқан еліміздің еңсесі биік, рухы асқақ, болашағы жарқын, береке – бірлігі мәңгілік болсын!
Конституция күні құтты болсын!
Сарысу ауданының әкімі Марат Сұлтанғалиев
