Украинаны қалпына келтіру үшін 600-800 млрд АҚШ доллары қажет — Зеленский

Мұндай соманы Владимир Зеленский “француздық кәсіпорындар қозғалысына” қарата сөйлеген сөзінде айтты. Украина президенті бұл қаржының нақты емес екенін атап өткен, себебі соғыс әлі жалғасып жатыр. Оның сөзінше, қаржы бірінші кезекте тұрғын үй қорын, оқу орындарын, көлік инфрақұрылымын және порттарды қалпына келтіруге бағытталуы керек.

• • Ресей әскерінің күші сарқылды, енді Украина қарсы шабуылға шығады – Британ барлау агенттігі

• «Мүмкіндігінше олардың көбісін өлтіреміз: Қазақстандағы Украина елшісі орыстар жайлы сұхбатынан кейін сынға қалды

Бұған дейін Украина билігі елді қалпына келтіруге қажетті қаражат мөлшерін айтқан еді. Атап айтқанда, премьер-министр Денис Шмихал Украинаның одақтастарынан қаржылық қолдау көрсетуді сұрап, бұл ретте елге шамамен 500 миллиард доллар қажет екенін жеткізген. Ал көктемде Зеленский Украинаға шамамен 550 миллиард доллар керек екенін айтқан.