Қарағандыда учаскелік полиция инспекторы қызметінен қуылу үшін өзіне шабуыл жасалғаны туралы жалған ақпарат таратқан, деп хабарлайды Stan.kz ақпарат агенттігі.
Болмаған қылмысқа қатысты ақпарат таратқаны үшін полиция қызметкері жауапқа тартылды.
26 жастағы учаскелік полиция қызметкеріне қатысты қылмыстық іс Қазыбекби аудандық сотында қаралды. Аға лейтенант Қарағанды полициясының Михайловский бөлімінде 2019 жылдан бері қызмет етіп келеді. Ал осы жылдың мамыр айында ол өзіне шабуыл жасған. Қылмыстық іс материалдарына сәйкес, ол осылайша құқық қорғау органдарынан жұмыстан шыққысы келген.
Құқық қорғау органының қызметкеріне қатысты қылмыстық іс кінәсін толық мойындау туралы процессуалдық келісіммен сотқа жолданды. Сотта айыпталушы өзіне шабуылды досының көмегімен ұйымдастырғаны белгілі болды. Үстіміздегі жылдың 22 мамырында полиция инспекторы досына оны билік өкіліне шабуыл жасағандай етіп көрсету үшін пышақтап тастауды сұраған.
- «Айлығымды тартып алды»: Павлодарда күйеуі әйелінің үстінен шағым түсіру үшін полицияға хабарласқан
- «Алғашқы әскери шенімді де келін болып жүрген кезде алдым»: Оңтүстікте полиция басшылығына алғаш рет әйел кісі тағайындалды
Сол күні кешкісін қаланың орталық саябағында оңаша қалған учаскелік полиция қызметкері өз жоспарын жүзеге асыруға бел буды. Бұрын ол досына саябақтан байқамай қалай шығу керектігін нұсқаған. Оның сөзіне көніп, танысы полицейдің ішінің, қолының білек тұсынан бірнеше рет тілген және оң иығына пышақ сұққан. Полицей сенімдірек болу үшінөзін соққыға жығуды өтінеді.
«Ер адам» кеткеннен кейін полицей 102 нөміріне қоңырау шалып, оған шабуыл жасалғанын хабарлады. Аталған факті бойынша сотқа дейінгі тергеп-тексерудің бірыңғай тізіліміне Қазақстан Республикасы Қылмыстық кодексінің 380-бабының 2-бөлігімен «Билік өкіліне қатысты өмірге немесе денсаулыққа қауіпті күш қолдану» бойынша қылмыстық іс тіркелді. Сотталушының әріптестері шабуылдаушыны іздеуге кірісті. Өйткені, қасақана жалған хабарлау үшін қылмыстық жауапкершілікке тартылатынын білген учаскелік полиция қызметкері тергеуші кабинетіндегі шабуылға қатысты берген айғағын растады. Алайда кейін полицей бәрін мойындауға мәжбүр болды.
Іс жүргізу келісімін зерттеп, жауапкерді тыңдап, Қазыбекби аудандық соты оны тағылған айып бойынша кінәлі деп тапты. Сот кінәсін толық мойындап, өкінуін, сотталушыда кәмелетке толмаған баланың болуын ескере отырып, оған 2,6 жылға бас бостандығын шектеу жазасын тағайындап, пробациялық бақылау белгіледі. Сондай-ақ сот оны мемлекеттік қызметте жұмыс істеу құқығынан және «полиция аға лейтенанты» арнайы атағынан 3 жылға айырды. Сонымен қатар, сотталушы барлық жаза мерзіміне жыл сайын 100 сағат қоғамдық жұмысқа тартылды.
https://stan.kz/karagandida-policiya-kizmetkeri-zhymistan-ketu-ushin-oz-369580/
