Алдыңғы жазбада жариялағанымдай, екі күнге созылған доп додасы тартысқа толы өтіп, бүгін мәреге жетті
Бір ерекшелігі, финал мен қола жүлде үшін өткен кездесулерге шыққан төрт команда да Түркістан облысынан топқа түскен командалар болды.
Сонымен, чемпион «Мұхтар ата» командасы (Қазығұрт ауданы). Күміс жүлдегер — «Базарбаевтар». Олар топтық кезеңде осы турнирдің 6 дүркін жеңімпаздары «Көкееевтерді» ұтқан еді. Ал қола жүлде «Досаевтар әулеті» командасына бұйырды. Бұл құрам осы турнирді екі рет жеңген болатын. Бұлар да Қазығұрт ауданының тумалары.
Бірінші орынға — 500 мың тг
Екінші орынға — 300 мың тг
Үшінші орынға — 200 мың тг
Қаржыландыру, ұйымдастыру жұмыстарының басында Жамбыл облыстық дене шынықтыру және спорт басқармасы жүр.
Ал, біздің «Мәуленовтер» командасының қақпасышы Марат Туғанбаев турнирдің «Үздік қақпашысы» атанды.
Бұл бәсеке бұйыртса алдағы уақытта да жалғасын таба бермек.
