Бүгін аудан әкімінің орынбасары Нұрлан Несіпбеков пен Аса ауылдық округінің әкімі Бауыржан Қалшымбетов Аса ауылындағы М.Әуезов көшесіндегі 4 көпқабатты пәтерлердің ауласына жүргізіліп жатқан абаттандыру жұмыстарымен танысты.
Құрылыс жұмыстарын «NSN» жауапкершілігі шектеулі серіктестігі жүргізуде. Аулаларға көлік өтетін алқаптар жасалып, толықтай асфальттанады.
Жергілікті басшылар құрылыс жұмыстарын талапқа сай жасау қажеттігін, сонымен қатар тұрғындардың ұсыныс-пікіріне назар аудару керектігін жеткізді.
Жұмыстар ай соңына дейін аяқталатын болады.
Жамбыл ауданы әкімдігі
