Сулейман Демирель атындағы университетке жаңа ректор тағайындалды. Бұл туралы университеттің ресми парақшасында жарияланды деп хабарлады turkystan.kz.
Әлімжан Бекежанұлы Оңтүстік Қазақстан мемлекеттік университетін, Қырғыз Республикасы халықаралық университеті мен Астана халықаралық университетінің магистратурасын бітірді.
Осы уақытқа дейін «Білім Орда» ХҚҚ президенті, Астана Халықаралық университеті вице-президенті, USTAZ PLC кәсіби жетілдіру орталығының директоры қызметін атқарған. Қазақ, ағылшын, түрік, орыс тілдерін меңгерген. «Білім ісінің үздігі» төсбелгісінің иегері, білім саласындағы басқару ісінің маманы.
Осы уақытқа дейін басшы қызметін атқарған Давронжон Гаипов академиялық мақсатпен шетелге тағылымдамаға жолдама алды.
