Бүгін аудан әкімі Баубеков Жорабек Нұрмергенұлы Аспара ауылында қоғамдық қабылдау өткізді. ⠀
⠀
Қоғамдық қабылдауға аудан прокуроры Әмірхан Елдос Тұрғынбайұлы және бөлімдер мен мекемелердің басшылары қатысты.⠀
⠀
Жорабек Нұрмергенұлы аспаралықтарға сүйінші жаңалықпен барды. Аспара тұрғындары бірнеше жылдан бері ауылға жаңа мектептің қажеттігін сұрап жүрген еді. Аудан әкімі мектеп құрылысына қаражат бөлініп, құжаттамалық жұмыстар басталғанын жеткізді. ⠀
Қабылдау барысында ауыл тұрғындары өздерін толғандырған бірқатар мәселелерді көтерді. Ауылдағы кейбір су құдықтарының қақпағы жоқтығы, Аспара өзенінің маңындағы жерді жалпыға ортақ жайылым ретінде қайтару, ауласынан жоғары кернеулі электр желісі өтіп тұрғандығы, алимент, қайтарымсыз грант алу туралы мәселелермен қайырылған тұрғындарға заң аясында түсініктеме беріліп, сұрақтар бақылауға алынды.
Меркі Ауданы Әкімдігі
