Тұрар Рысқұлов ауданындағы Көкдөнен ауылдық округіне қарасты Жақсылық елдімекенінде жаңа дәрігерлік амбулаториялық нысан бой көтерді. Нысанның құрылыс жұмыстарына 103 млн.тг бөлінген.
1783 ауыл тұрғыны бар Жақсылық елдімекеніндегі бұл амбулатория ауысымына 15 келушіге арналған. Уақыт талабына сай амбулаторияда алғашқы медициналық-санитариялық көмек көрсетуге қажетті барлық жағдайлар жасалып, 11 адамды тұрақты жұмыспен қамтып отыр.
Айта кететіні, жақын күндері Жаңатұрмыс ауылындағы дәрігерлік амбулатория да қолданысқа берілетін болады. Осылайша аудандағы барлық елдімекендер жергілікті дәрігерлік нысандармен қамтамасыз етіледі.Жамбыл облысы ішкі саясат басқармасының
Өңірлік коммуникациялар қызметі
